Wikifarra eta gero

Wikifarran egon ginen eta oso ondo pasa genuen egia esan. Egon zirenen partea (5 zauritu 2 hildako :P ): Ishikawa (gaztesarean zerbait egiten egoten den mutila) Julen (laster gauza berriak ekarriko dizkigu) Arkaitz (euskal wikipedian gogor lan egiten duenetako bat eta zabaldu.com -en sortzailea) Haritz (gaur8n parte hartu eta euskaltube.com-en sortzailea) Xare (EH indymedian sortzen lagundu zuenetakoa eta pausumediako langile) Iturri (azken momentuan iritsi zen bere harrikadak botatzera) eta ni Doka kafe antzokian hasi ginen, bertan Verd Cel taldearen musika+antzerki+irudiak igusi genituelarik. Ondoren Matia kalera joan ginen pote batzuk hartzera. Antiguoko taberna mitiko batean egon ginen afaltzen merke eta ondo. Gero Dokara itzuli ginen eta bertan aipatutako Iturri agertu zen magikoki. Batzuk alde zaharrean amaitu genuen 1.30 aurrera, besteak etxera... Gauza asko hitz egin genituen gogoratzen ditudan batzuk zabaldu.com, sustatu.com komunitatea, bildu.net, agerikotasuna (iturrik ekarri zuen hitz hau bisibilitatea adierazteko niri asko gustatzen zait), aupatu, proiektu euskaldunen konplota jaja, emakumeen falta, CMSen kudeaketa gunearen desagerpena edo ez, Ajax, hackmeeting-a eta euskaldunak (joatera erabaki dugu eta norbaitek nodoren bat aurkeztuko dugula ere pentsatzen dut, sinergiak), bakoitzaren proiektu pertsonalak (julenek zerbait berria aterako du baina oraindik ezin erakutsi) etab... Argazkiengatik galdetzen duzuenok ez genituen atera, beno atera zizkiguten. Diario de noticias de Gipuzkoako argazkilari gazte bat etorri zen erretratua ateratzea eta batzuek horrela erabakita ez ziren argazkian atera. Azkenean Haritz eta ni(beste batzuk ez ziren iritsi oraindik) atera ginen. Hori bai wikifarrako argazki bakarra berari atera genion guri argazkia ateratzen, esker mila etortzeagatik. Jadanik hurrengoa non izango den galdetzen ari da jendea, hurrengoa hemen komunitateak erabakitzen duen momentuan bertan.

Pazko arrautza firefoxen

Aspaldi ikusi gabe (netscaperen garaitik) nuen pazko arrautza baina gaur leku batean ikusi ondoren gogoratu naiz eta euskaraz ere badagoen ikusi nahi izan dut. Bolondresek bere lana bikain egin dute eta hau ere itzuli dute, bikain beti bezala. Ikusteko jarri helbide barran about:MOZILLA.

Open ID euskaraz kontatuta

Batzuetan norbaitek erantzundakoak kriston interesa sortzen dizu eta hau da kasu horietako bat. Jendea lan eta lan ari da eta iruzkin batean egin behar zuela esan ondoren Julenek esandakoa bete du. Open IDri buruzko artikulu guztiz gomendagarri bat (PDF bertsioa) idatzi du euskaraz eta ez hori bakarrik bere blogean Open IDari buruzko bideo bat ere jarri du euskarazko azpitituluekin. Identitatea eta batez ere identitatea kudeatzeko bide deszentralizatuak oso interesgarriak egiten zaizkit eta blog horretan kezka hori behin eta berriz agertu da. Beno ba orain Open IDari buruzko dokumentazio interesgarri eta euskalduna dugu. Bideoarekin uzten zaituztet baina artikulu osok Julenen blogean daude.

Deustuko unibertsitatea ertzainaz eta poliziaz beterik

Deustuko unibertsitatea ertzainaz eta poliziaz beterik, espainiako printzeak datozela eta. Ikurrinarekin ezin sartu campusera. about an hour ago. Txiokan ikusia. Egilea: Txerren

Iker Jimenez eta Galdakaoko abertzale sozialistak

Interneten nabigatzen Galdakaoko Abertzale Sozialisten pasadan hauteskundeetako programaren zati kurioso bat aurkitu dut. Magonian ikusia

Wikifarra & txiokafarra Irailak 28 Donostian

Wikifarra %100 irekia dagoen topaketa bat da. Internet eta teknologiaren inguruan dabiltzan pertsonak bildu eta ondo pasatzeko egun baten moduan dago pentsatua. Ez dugu ordenagailurik eramango, ez da wifia egongo (aurten nahi duenak eraman dezake baina alde batetik bestera eramateko...) eta Euskal Herriko sare sozialik zabalena erabiliko dugu, taberna. Aurreko wikifarra Lehenengo Wikifarra Arrasaten egin genuen 2006ko Otsailaren 23an. Lagun eta jai giroan informatika eta Internet kontuak izan genituen berbagai. Aurten Irailak 28, ostirala, 20:00 Donostiako Doka kafe antzokian izango da baina hori bakarrik dakigu oraindik. Edukia denon artean wiki baten bidez sortu behar dugu eta.

Identitatea 2.0 gero eta gertuago

Gero eta gertuago dago mila pasahitz eduki eta erabiltzeko garaiaren amaiera. Pauso horretan garrantzi handi xamarra izango du OAuth (eta Open ID) izeneko protokoloak. Hasiera fasean badaude ere oso interesgarria iruditzen zait.

UEU, ez udaran bakarrik (udazkeneko ikastaroak)

UEUk bere urte osoko eskaintza zabalaren barnean nik emango ditudan bi ikastaro daude. Saiatuko naiz ondo egiten eta batez ere ikasi eta ondo pasatzen, animatzen zarete? Podcasting eta eduki sindikazioa Web semantikoa minuskulaz, mikroformatuak eta beste teknologia batzuk Interesatuak bazaudete badakizue izen eman eta bestela ahal duzuen gehien zabaltzen lagundu. Aipatu dituzte Sustatu ZoroakKlub

Bideoak blog honetan eta interneten

Bideoa da banda zabalari esker garai hauetan gehien hedatu den fenomenoa. Aspaldi sortu ziren youtube etab. eta orain euskaltube daukagu guk ere. Niri azken boladan jumpcut interesatu dit bideak nahasteko eta besteek egindakoa berrerabiltzeko ematen duen aukeragatik. Blog honetan KritikaTB atala nuen, nahiko estatikoa zena. Orain aldiz bideoak.info-ko bideoak jartzen hasiko naiz automatikoki. Beraien filosofia eta igotzen dituzten bideoak oso interesgarriak iruditzen zaizkit eta horregatik hemendik aurrera bideo horiek hemen ere ikusteko aukera izango duzue. Gainera oso interesgarria egiten zait horrela egitea ni ere egunero sartu eta zer aurkituko dudan ez dakidalako. Gaur adibidez oso bideo interesgarria aurkitu dut berdintasunari buruzkoa, gazteek euskara, gaztelera, rap, breakdance hizkuntzak eta kulturak nahastuz egiten dutena.

Argia aldizkariko Larrun

Orain dela egun batzuk Argiako egoitzan egon ginen Argiak gonbidatuta Larrun deitutako eztabaida foroan. Bertan izan ginen Lontzo Sáinz (eitb24), Aitor Lopez de Aberasturi (Kaixo.com), Luistxo (C&S) eta ni Elurnet-eko bezala. Gustora egon ginen internet, euskara, iragana, etorkizuna etab. buruz. Euskadi Irratikoek mahainguru guztia grabatu zuten eta Argiako lagunek baita bideoz ere (eta botatzen duten). Moderatzaile bezala Eli Pombo eta Jon Torner izan genituen bikain lanean (bi abizen kurioso batera izen artistikoak izango al dira :P ) Beno ba irrikitan gaude bai Argiak eta bai Euskadi Irratiak esandakoari emandako forma ikus eta entzuteko. Joan aurretik hainbat apunte egin nituen arren bertan gauza gehiago ere atera ziren Luistxoren mehatxuei izen eta guzti jarri genion :P . Hemen uzten dizkizuet Larruneko nire apunteak (apunteak dira ez testu egituratu bat).

Testuinguruari buruzko artikulua Scribd erabiliz

Gaur scribd probatzen egon naiz euskaljakintza-ko Maitek wordpressekin zuen arazo bat konpondu nahian eta adibide bezala atzoko artikulua igo dut. Tresna interesgarria iruditu zait zenbait gauza konpondu beharko ditu konpatibilitate aldetik baina interesgarria behinik behin.

Testuinguruari buruzko gogoetak

Testuinguruaren garrantziari buruzko artikulu bat prestatzen hasi nintzen baina luze zihoanez dokumentu bat eraikitzea erabaki nuen. Azkenean 9 orriko dokumentu bat izatera iritsi da. Bertan testuinguruari buruz orokorrean, testuinguru teknologikoa eta kasu konkretu bezala testuinguru mugikorrari buruzko gogoetak botatzen ditut. Ea zer iruditzen zaizuen, mesedez kritikak, zuzenketak, gogoetak, ideiak bota. Artikulua jaitsi [odt] [pdf] Lan hau Creative Commons lizentzia baten pean dago.

Nire sarea erakusten

Jadanik inor ez gara gu, egiten duguna edota inguratzen gaituzten pertsona taldeen lan eta ekintzak kontutan hartzen ez baditugu. Nire sarea(eskuinean) atala berritu dut eta bertan nire lanak, interesatzen zaizkidan blogak, lagunak eta auzolandegiak sartu ditut. Adierazgarrienak iruditu zaizkidan irudiak sartu ditut bakoitzean, batzuetan argazkiak, besteetan logoak, besteetan irudi zatiak etab. orain nire interneteko izaera eta sarea hoberen islatzen duen atala dela uste dut. Hau hobeto egin ahal izango nuke Feevy xfn bezalako mikroformatua erabiltzeko aukera emango balu, era honetan gehitutako iturri bakoitza zergatik sartu dudan definitzeko aukera izango nuke. Sortzaileei gomendatu diet eta beharbada aukera hau ere inplementatuko dute, asko eskertuko nuke egia esan.

Euskaljakintza.com bloga goitik behera berritua

Maitek blogean esan bezala euskaljakintza.com berritu dugu. Eman behar izan ditugun pausoak ez dira errazak izan baina azkar egin diogu aurre horietako bakoitzari. Lehenengo edukien migrazioa egin genuen, blogsomeko jendea oso ondo portatu zen eta datu basearen kopia bat bidali ziguten. Ondoren kopia hori wordpress bertsio berri batera egokitu behar izan genuen. Hurrengo pausoetan diseinua aukeratu eta egokitzapenak egin. Egituraketan pentsatu, erabili beharreko pluginak instalatu, behar zirenak egokitu eta euskaratu etab. Prozesua ondo joan da etengabeko komunikazio bat izan dugu bilera pare bat eta batez ere berehalako mezularitza erabiliz. Emaitzarekin pozik gelditu naiz ni behintzat pentsatzen dut blog bat lan tresna potente batean bilakatu dela. Maitek egindako lana kristona izan da, informatikatik haratago joanda material berriak sortu, antolaketa hobetu, ikusi duzue EGAko materiala niri flipantea iruditzen zait... Hau dena, udaran eginda gainera (Hezkuntza Sailari soldata gehigarri bat edo bidai bat eskatu nahiko nioke Maiterentzat, berak ez du behar gogoa da bere motorra). Eta ez pentsa seguraski IKTero hauek aurten ere gauza berri gehiagorekin etorriko zaizkigu...

Txioka mugikorra iPhone batean

Txiokaren bertsio mugikorrak iPhone batean duen itxura.

Txioka.net etor hadi twitter sarera

Udaran Txioka twitter EHko sarea jaiotzen zen baina ez da orain arte gehiegi zabaldu dugun gauza bat. Orain bai sare hau ezagutarazi eta hedatzen hasteko unea da, etorri gurekin sare honetara eta kontatu interesgarriak diren gauzak, zer egiten ari zaren, gomendatu nahi dituzun gauzak eta ekitaldiak. Nahi duzun tokitik irakurri, hemen duzu tresnaren bertsio mugikorra ere m.txioka.net. Zer da txioka? Twitterren ibiltzen diren Euskal Herritarrak biltzen saiatzen gara. Hauen arteko elkar ezagutzea bultzatu eta ekitaldi etab. berri eman sare honen barnean. Ez du sare zentralizatu bat izan nahi, loturak sortzeko gune bat izateko izaerarekin jaio da, ondoren bakoitzak bere sarea sortzeko aukera izan dezan. Zer da twitter? Twitter interneten sortu berri den komunikazio tresna bat da. Sortzaileen esanetan momentu oro zer egiten ari zaren adierazteko gune bat da, microblogging izena ere hartu duelarik. Bidaltzen den hori pribatu edo publiko egin daiteke eta zure erabiltzailera harpidetuta dauden erabiltzaileek ere jasoko dute. Horrela lagun sarean informazioa elkar trukatzeko tresna batean bihurtzen da. Eguneraketa hauek web bitartez edota telefono mugikor bitartez jarraitzeko aukera ematen da. Nola idatzi? Komunitatean parte hartzeko zure twitterreko kontuan gehitu txioka lagun bezala (goian azaltzen den follow lotura sakatuz). Joan txioka erabiltz Hortik aurrera idazten duzun guztia (denbora bat pasa daiteke) komunitatean ere azalduko da. Nola bidaltzen dira ekitaldiak? Ekitaldiak bidaltzea oso erraza da zure twitterrean ekitaldia era hauetako batean idatzi. Nanoformatuei buruzko informazio gehiago. Adibidea: Gipuzkoako ikastolen aldeko jaia event:kilometroak L:San Martin enparantza 1, Bergara, Gipuzkoa time:2007-10-07 9:00. Adibidea: Gipuzkoako ikastolen aldeko jaia event:kilometroak L:San Martin enparantza 1, Bergara, 20570 time:2007-10-07 9:00. Adibidea: Gipuzkoako ikastolen aldeko jaia event:kilometroak L:43.118528,-2.413065 time:2007-10-07 9:00. Twitterren idazteko laguntza tresnak Twiterrific: Mac OS X sistema eragileentzat. Twitteroo: Windows sistema eragileentzat. Gtwitter: GNU/Linux sistema eragileentzat. Twitterbar: Firefox nabigatzailearentzako gehigarria. Zer dira nanoformatuak? Twitter nanoformats twitterreko mezuei informazio gehigarria emateko sintaxi adostu bat da. Askotan orain arte erabiltzen diren zenbait lengoaietan estandarra edo semi-estandarrak diren sintaxi antzekoak erabiltzen ditu. Txioka komunitatean hauetako batzuk erabiltzen ari gara eta etorkizunean gehiago izango dira. Zer dira mikroformatuak? Txioka komunitateko ekitaldiak mikroformateatuta daude. Mikroformatuak XHTML(HTML) etiketak baliatuz, informazioari esanahia gehitzen dioten formatuak dira. Beste era batean esanda: Pertsonentzako irakurgarriak diren informazioak, makinentzako ere irakurgarriak izatea da helburua. Honek bizitza berria ematen dion informazioari eta gauza gehiago egin daiteke honekin. Benetan zein potentzial duen ikusi nahi baduzu erabili Mozilla Firefox nabigatzailearen Operator tresna barra.