photo Gorka Julio
Elurnet Informatika Zerbitzuak
Andoain, Gipuzkoa, 20140
Testuinguruari buruzko gogoetak artikulua

Bildu.net laguntza manuala zabaldu.com Sarezulo atala Kontaizu.net

Blogari.net zure bloga sortu

[landaben elkartasuna]
Landaben volkswagen borrokan

Creative Commons License
lana lan hau Creative Commons-en baimen baten mende dago.

Powered by Blogger

lortu firefox

lortu thunderbird

Never Mind The Blogs

onponbidea

[>] Atzo egun paregabea

Atzo egun borobil horietako bat izan zen. Enpresa 2.0 eta Elkarlan tresnen lehenengo atala amaitu dugu, orain Herramientas Colaborativas delakoaren ordua iritsi da eta lasai hau ere Araba, Bizkaia eta Gipuzkoan izango da. Informazio guztia hemen. Oso pozik egon gara Txopi, Mikel eta Julen hizlari edukita, giro aparta eta sintonia nabaria.

Atzo bukatzean Bilboko kafe antzokian egon ginen Gu ta gutarrak ikusten. Ikusi beharreko ikuskizuna dudarik gabe. Osagaiak: hertzainak + bertsoak + pop + rock + jaia + inprobisazioa.


Amaitu ostean kafe antzokiko bailongoak bere ikuskizun inprobisatuari hasiera eman zion ezagutzen ez genuenon harridurarako. Youtuben bere bideoak ugariak dira 'kafe antzoki', 'cafe antzoki' eta okurritzen zaizkizuen konbinazio guztiak probatuz. Nik nire bideotxoa ere badut:


Bukatzeko mezu batek abisatzen nau era batean edo bestean parte hartu ditudan bi proiektuk sari bat irabazi dutela euskaljakintza eta EuskalTube Zorionak!!

Etiquetas: , , , , , , ,

[>] AHTgelditu elkarlanaren web gune berria

Etiquetas: , , ,

[>] Internet promesak eta iragarpenak

Badira hilabete batzuk Argiako lagunekin Larrun baterako mahainguru bat egin genuela. Beno ba sarean dago bideo eta baita jaisteko pdf eta guzti. Ea zer iruditzen bertan esandakoa.

Etiquetas: , , , ,

[>] Blogari eta Bildu berrikuntzak

Buru belarri nabil ikastaro, jardunaldi eta proiektu ezberdinekin, bai maila pertsonalean zein profesionalean. Blogari eta Bildu dira horietako bi.
Blogari edizioa azkartuko duten aldaketak egin ditugu (Elurnet) aplikazio eta zerbitzarian.
Bildu-n aldiz irudiak gehitu dizkiegu estekei, aldaketa txiki baina ikusgarri horietako bat. Ezagutzen ez duzuenok bisitatu eta nahi duenarentzat manual bat ere badago.

Etiquetas: , , , , , , , , ,

[>] Zorionak internet!

Militar jaio zinen baino laster ulertu zenuen hori ez zela zure bidea eta hasieratik izaten saiatu zara librea eta denona.

Internetek 30 urte bete ditu gaur

Etiquetas: , ,

[>] Control filma eta Joy Division

Control filma ikusteko aukera izan nuen Donostiako zinemaldiko klausuran (belodromo herrikoiean bokatak eta guztirekin). Asko gustatu zitzaidan batez ere musika eta argazkia. Joy Division taldearen igoera eta talde bururaren izaeran zentratuz.

Talde honen abesti gutxi ezagutzen nituen baina asko gustatzen zait orain, internetek kultura hedatzeko tresnei esker (emule) bere diskografia jaitsi dut, youtube-n bideoak topatu ditut eta ikusi eta metropolitaneko lagunek ere nire antzeko gustuak dituztela ikusi dut. Doctor Deseok "Love will tear us apart" abestiaren euskarazko bertsio polit bat egin zuen. Hemen abesti horren originala:

Etiquetas: , , , , ,

[>] Jardunaldia: Enpresa 2.0 eta Lankidetza tresnak (Gazteleraz)

Azken boladan Enpresa Digitalean egingo diren Enpresa 2.0 eta lankidetza tresnen inguruko jardunaldi hauek prestatzen egon gara Elurneten. Azkenean jardunaldia Araba, Bizkaia eta Gipuzkoan errepikatuko dira data ezberdinetan.

Araba
[2007/11/21] Enpresa 2.0 [info + izen eman]
[2007/12/10] Lankidetza tresnak [info + izen eman]
Gipuzkoa
[2007/11/27] Enpresa 2.0 [info + izen eman]
[2007/12/17] Lankidetza tresnak [info + izen eman]
Bizkaia
[2007/11/29] Enpresa 2.0 [info + izen eman]
[2007/12/04] Lankidetza tresnak [info + izen eman]

Enpresa 2.0
1. Open business, enpresa inguratzen duten paradigma eta tresna berriak (16:00 - 16:40) Hizlaria: Julen Iturbe

Negozioetan jakintza babesteko orain arte nagusi izan diren ikuspegien enpresa-eredu alternatibo bat bezala sortu zen Open Bussiness. Informazio teknologien garapenarekin aukera berriak sortu dira informazioa zeharo ezberdin baliatzeko eta jakintzaren baliabidean aitzinatzeko.

2. Hezkuntza eta enpresa, hezkuntza arloko ikaskuntza prozesuak, etengabeko hobekuntza, parte-hartzea eta kalitatea. Zer ikas dezake enpresak?(16:40 - 17:20) Hizlaria: Jakintza Ikastola.

Ordiziako Euskal Jakintza ikastolan ezarritako etengabeko prestakuntzako eredu parte-hartzaile eta berritzailea. Pertsona talde handi baten hezkuntza eta kudeaketa eredua nola izan daiteke lagungarri enpresa ingurunean?

3. Sozietatearen erronkak sarean (17:20 - 18:00)
Hizlaria: Marko Txopitea. Open Norte S.L

Software librearen kudeaketa eta talde-laneko sistema. Funtzionatzen duen lan-sistema banatu bat. Software libreko komunitatearen enpresa-kudeaketarako lan eta kudeaketa sistemak ulertzea.

4. Mahai-ingurua: openmind (18:00 - 18:30)

Ideia, prozesu berri eta talde-lanerako tresnen inguruko eztabaida.

Lankidetza (edo elkarlan) tresnak
1. Groupware eta barne partaidetzako tresnak (16:00 - 16:40) Hizlariak: Aitzol Naberan eta Eneko Astigarraga. CodeSyntax

Taldekako parte-hartze eta lankidetzarako groupware tresnen erabilerak enpresa barruan. Proiektu zenbaiten azalpena eta tresna horien aplikazioaren adibide batzuk. Lankidetzako CMSak, Plone gov edo Open groupware bezalako proiektuak ingurune ezberdinetan, hala nola, industria eta zerbitzu enpresetan edo administrazioan, tresna horien erabilera aztertzeko adibide interesgarri bezala.

2. Lankidetzan, sindikazioan, parte-hartzean, formatu berrietan eta mikroformatuetan oinarritutako informazio-azterketa eta jarraipenerako tresnak. (16:40 - 17:20) Hizlaria: Gorka Julio. Elurnet informatika zerbitzuak

Informazioa ondo kudeatzea gero eta garrantzitsuagoa da. Sindikazio eta kodetze formatu berriei esker zama semantikoa duen informazio gehiago lor dezakegu. Horregatik egiten da beharrezkoa tresna egokiak erabiltzea gure sektoreko albisteak ezagutzeko, gure enpresa, sozietate edo taldeari buruz esaten dena jakiteko, alertak jasotzeko, eta abar.

Informazioa jasotzeko bidea emateaz gain, informazioa trukatu daiteke (taldeen artean, publikoki nahiz pribatuki), modu parte-hartzaile eta deszentralizatuan.

Gaur egun interneten parte hartzen duten enpresa, sozietate edo taldeek beharrezkoa dute entzutea eta tresna berritzaileak eskuratzea informazioa modu eraginkorragoan kudeatzeko.

Tresna horien artean aurkitzen dira Bloglines bezalako feeds irakurgailuak, edukiak iragazten dituzten Yahoo Pipes bezalakoak, edo BuzzMachine bezalako tresna aurreratuagoak. Interesgarria da, baita ere, kodetze semantikoko metodo berriak ezagutzea, esaterako mikroformatuak, aukera ematen baitigute gure informazioari balio gehiago emateko eta informazio kodetua modu eraginkorragoan kudeatzeko.

3. Blogak korporazio eta marketin tresna bezala (17:20 - 18:00) Hizlaria: Sergio Monge

Tresna korporatibo bezala, blogak baliagarriak dira bilatzaileetan kokapen hobea izateko, trafikoa norberaren webera erakartzeko, marketin informazioak biltzeko, erabiltzaile edo bezeroekiko harremanak humanoagoak egiteko, networking egiteko, solasean parte hartzeko, eta abar. Tresna hori hor dago jadanik eta milaka lagunek erabiltzen dute, baina enpresek, salbuespenak salbuespen, oraindik ez dute ikasi baliatzen.

4. Sare sozial korporatiboak eta sare sozial irekien eragina enpresa ingurunean (18:00 - 18:40) Hizlaria: Jose A. del Moral. Alianzo

Sare sozialak etengabe hazten ari dira. Barnean nahiz bezeroekin erabilita fidelizazio eta lankidetza tresna bihurtu daitezke enpresaren eta langile edo bezeroen artean.

Bestalde, sare sozial publiko eta irekiak ere hor daude, berauen bitartez milaka jende elkarrekin konektatzen eta komunikatzen baitira egunero. Zein da enpresaren papera sare horien eta egunero sortzen diren beste guztien aurrean? Enpresak zer egin behar du: sare horietan eragin, ala entzule hutsa izan?



Etiquetas: , , , , , , , , , , , , , ,

[>] Teknologiaz idatzi nahi dut

baina ez didate uzten...

[>] El rey de España, Zapatero eta Chavez

Iberoamerikako gailurrean triskantza ederra montatu da eta Venezuelako lehendakaria den Hugo Chavezek bere ustetan J.M.Aznar faxista dela behin baino gehiagotan esan ondoren El rey de Españak isiltzera behartzen saiatu zen. Zapaterok aldiz hau erantzun zion:
"Se puede estar en las antípodas de una posición ideológica y no seré yo quien esté cerca de las ideas de Aznar, pero fue elegido por los españoles y exijo ese respeto"

Baina honek zerbait ekartzen dit burura El rey de España ez da españolengatik aukeratua izan, honen aurrean zein jarrera izan dezakegu. Zergatik demokratikoki (termino honekiko duda guztiekin) aukeratua izan ez den pertsona bat, demokratikoki aukeratua izan den batena baino garrantzi handiagoa izan orduan? (Zapateroren logika aplikatua)

Chavezen kritikak ez ziren hitz soil bat (faxista) izan baizik eta beraren aurkako estatu kolpearen atzean CEOE espainiako patronala zegoela adierazi zuen. Arrazoi batzuk:
Múltiples testimonios implican al gobierno de Aznar en el apoyo al golpe de estado en Venezuela de 2002

Nikaraguako Ortegak ere Union Fenosaren aurka egin zuen, herria honek egiten duen energiaren kudeaketa eta prezioarekin ezados agertu da behin baino gehiagotan. Datu batzuk:
El presidente de Unión Fenosa dice que no hay luz en Nicaragua porque pierden dinero
Tribunal Permanente de los Pueblos juzgará en Nicaragua a empresa transnacional Unión Fenosa
Entrevista con Jesus Carrión del Observatorio de la Deuda en la Globalización

Irakurgai interesgarri batzuk
¿Por qué no te callas, borbón franquista?

Hemengo hedabideetan ikusiko ez duzuen bideo bat

Etiquetas: , , , , ,

[>] Mikroformatuak GRDDLrekin askoz hobe

Atzo Mikroformatuei buruz hitz egin nuen, gaur GRDDLri buruz. Ez baita ezer kostatzen hCalendar (edo beste mikroformatu bat hemen daude sortutako bihurtzaileak) erabiltzen duten web guneak GRDDLatzea eta honek ekar dezakeen onura handia izan daiteke.

Gleaning Resource Descriptions form Dialects of Languages [GRDDL Primer]

XML erabiltzen duten eta RDFarekin bateragarri diren hizkuntza ezberdinak eta hauek RDFra bihurtzeko erabili beharreko algoritmoa zehazten duen mekanismoa da. Esan daiteke, web semantikoak behar zuen itsasgarria dela.

Dokumentuaren burukoan GRDDL definitzen duen profila eta beherago erabiliko diren bihurtzaileak (XSLT) definitzen dira bertan.

<head profile="http://www.w3.org/2003/g/data-view">
<title>Robin's Schedule</title>
<link rel="transformation" href="http://www.w3.org/2002/12/cal/glean-hcal">
</head>

Honekin lortuko duguna da edozein agente inteligente (GRDDL ulertzen duena) gure web gunetik pasatzean, bertan dagoen edukia zein den eta RDFra nola pasa behar duen jakitea. Hortik ondoren edukiekin nahi duguna egiteko. Hau da web semantikoa eta WEB SEMANTIKOAREN lotura dela esan daiteke. Horren irudia hau izan liteke.

Txiokak adibidez bere agenda osatzeko garaian erabiltzen du.

Etiquetas: , , , ,

[>] Mikroformatuak Hitza berrietan

[Eguneratua] Mikroformatuak (zer dira | microformats. org) hitza berriek mikroformatutako agenda bat (eta laster gehiago) dakartzate. Denek hori egingo balute meta agendak egiteko aukera izango genuke. Zorionak Hitza berriei hCalendar mikroformatua erabiltzen hasteagatik.


http://www.urola-kostakohitza.info

Prentsaren munduan beste batzuk ere egon dira aurretik
Datorren urtean honekin lanean jartzeko gogoa daukat apuntatu nahi duenak urte berriarekin batera martxan jarriko den ekimen honetan parte hartzeko deia irekia dago.

Etiquetas: , , , , , , ,

[>] Ubuntu eta Software librea


Ubuntuko CDak iritsi dira etxera Kontaizu aldizkari elektronikoan software libreari buruz hitz egiten genuen hilabete berdinean eta GISA (Gipuzkoako Software Askea Elkartea) elkarteko Maiderri egindako elkarrizketa argitaratzen den une berean. Kointzidentzia polita.

Etiquetas: , , , , ,

[>] Gaztezulo Sound System, Donostia



- Argazkiak: Ander Gillenea -

Lotu ondo gerrikoak, iritsi da eta: azaroaren 9an, GAZTEZULO SOUND SYSTEM karpa erraldoia jarriko dugu Donostiako Sagues auzoan. Datorren urtean, Euskal Herriko hainbat tokitara eramango dugu gure karpa. Musika dantzagarria, sorkuntza gunea, lagunekin lasai-lasai egoteko atsedenlekua… kontzeptu berritzaile askoren batuketa da GAZTEZULO SOUND SYSTEM. Zatozte: gonbidatuta zaudete.

Batzuek jakingo duzuen bezala Gaztezuloko kolaboratzailea naiz s@rezulo atala eramanez. Azkeneko artikulua lehen orria, zure erara

Etiquetas: , , , ,

[>] Andoain avalonen lainoen azpian

Etiquetas: , ,

[>] Googleren ORDAGO handira


Azken eguneko berriek shock batean naukate. Googlek atera dituen azken bi proiektuek indar handia dute eta Internet eta mugikorren munduan eragin handia izango dute. Open Handset Alliance eta Open Social proiektuek lehenengo bistan ez dute batere antzekotasunik baina atzean dagoen estrategia komuna da.

Open Handset Alliance : Aliantza honen lehenengo emaitza mugikorrentzako sistema eragile eta garapen tresna sorta (SDK) bat izan dira. Hau ez da Googlelen lana bakarrik baizik eta hainbat enpresek egindako lana.

Software librea izanik edozeinek errazago izango du aplikazioak sortu eta gainera aplikazio hauek plataforma ezberdinetan erabili ahal izango diren programak sortzea. Honen bidez Google zenbait dispositibo mugikorretako sistema eragileen merkatuan sartzen da, Windows mobile, Symbian etab.-ekin konpetitzera.

Open Social: API bakar honen bidez hainbat sare sozialek elkar lan egiteko aukera izango dute. Hau da Googlek zuen widget sistema hainbat sare sozialetan (berriro ez Google bakarrik) erabiltzearen antzekoa izango da. Sare sozial batek Open Social API sorta erabiltzeko gaitasuna badu Open Social erabiltzen duen beste sare sozial baten aplikazioak erabiltzeko gai izango da. Google honekin Facebook-i aurre egiten dio, honek API sistema oso aurreratu bat sortu zuen baina aplikazioak bere plataforman exekutatu behar zuten, Googlek aldiz hau erabat ireki du.

Nabaria da orain arte ikusi dugun kontrol estriktoko politiketatik aruntza joan dela Google eta "open" hitzaren azpian libreagoak diren arkitektura eta estandarrak proposatzen ari dela. Baina arkitektura eta estandar horiek nahiz eta libreak izan Googleren nolabaiteko kontrola izango dute eta beraz merkatua moldatu/kontrolatzeko joera izan dezakete.

Argi dago software librearen borroka amaitzen ari dela eta emaitza positiboa dela, irabazi dugu! Enpresa gehienek ikusten dute "open" joeraren eragina nahiz eta batzutan "open" atzean libreak ez diren (edo ez guztiz behintzat ) ekimenak egon. Googlek software librearen filosofia erabili du hori bai datu eta publizitatearen kontrola izateko. Informazioaren gizartea deitutako honetan datuen boterea izatea garrantzitsuena da eta hori lortu nahi du (eta lortzen ari da) Googlek.

Beraz, software librearen borroka irabazten ari bagara (denbora kontua bakarrik dela uste dut, hala ere, ez nuke oraindik ikurrina guztiz jarriko) orain informazioaren borrokan aurrea egin behar dugu. Bakoitzaren pribatutasuna mantetzeko, interes publikoko datuak libreki eskuratu eta erabili ahal izateko, informazioaren kontrol demokratikoago bat izateko eta kultura libreki hedatzen ahalbidetzen duten tresnak izateko aukerak lortu eta bermatu beharko ditugula uste dut. Bide horretan ziur nago Googlerekin behin baino gehiagotan topatuko garela.

Etiquetas: , , , , , ,