Sare sozialak eta Extremoduroren paradigma

Gero eta sare sozial gehiago ditugu sarean (sare sozial edozein tokitan daude lagunak, familia, ikaskideak etab.) ere baina batean edo bestean parte hartzeko Extremoduroren paradigma betetzen da. Extremoduroren paradigma: Dónde están mis amigos Arazo hau normala da sare sozial hauen topologia itxia denean. Hau da, beraien artean elkarlan egiteko aukerak ematen ez direnean. Jende asko dabil honen inguruan pentsatzen Brad Fitzpatrick-ek honi buruzko idazki bat prestatu du. Idazki honetan sare sozialen arteko elkarrekintza ziurtatzeko hauek protokolo irekiak erabiltzeko deia egiteaz gain, hau garatzeko laguntza eskatzen du. Hainbat sareetan parte hartzen dut eta hauetako batzuk besteak integratzeko tresnak gehitzen dituzte. Twitterrek adibidez zure gmaileko agendan dituzun lagunak twitterren ere erregistratuak dauden ikusteko aukera berria ematen du. Baina hauetan ona dena Plaxo da sare sozial ezberdinak integratzea lortzen dituen zerbitzua baita, honetarako mikroformatuak eta APIak erabiltzen dituelarik. Hala ere, nik nahiago dut Brad Fitzpatrick-ek proposatzen duen irteera eta bitartean hainbat sare sozial ezberdinetan parte hartzen jarraituko dut eta hauetako handienean blogosferan. Nire online presentzia erakusteko feevy erabiltzen dut bertan nire online ekimenak eta nire lagun edo intereseko pertsonen sarearen ekimenak erakusten ditut, hori da nire benetako sarea. Guzti honi Identitatearen arazoa gaineratzen zaio (aspaldi hitz egin genuen honi buruz hemen) baina gero eta zabalduago dago OpenIDaren aukera interesgarria, bere gauza on eta txarrekin. Web sozialaren garaian identitatearen arazoa konpondu ez eta arazo gehiago ematen dituenean proposamen interesgarria da OpenID.

Bagoaz web ubikuo eta semantikorantz

Argi dago bagoazela web ubikuo eta semantikorantz. Bidean gaude, kanpaiek aspaldi jo zuten web ubikuo eta semantikoaren iritsiera baina orain da garaia. Web ubikuoari pauso bakar bat falta zaio eta pauso hori internet konexio mugikorren salneurrien jaitsiera (edo tarifa laua) da. Nik jadanik askotan erabiltzen dut posta elektronikoa, jario irakurgailua eta mapak irakurtzeko nire mugikorra. Noski nire mugikorrak wifia dauka eta ez dut ordaintzen baina hori ez da arrunta (nire super mugikorra jardunaldi batzuetan tokatu zitzaidan). Hala ere, batzutan internet erabili izan dut baina nahiko garestia iruditzen zait oraindik. Beharbada, oraindik txutxumutxu bat den googleren mugikor berria tarifa lau bat ekartzen du eta merkatua berriro txikitzen du. Pena da gure ingurunean (eta ez beti googlek) honek kriston arrakasta izan dezakeela ez konturatzea. Niri interesatzen zaidan mugikorra oraindik ez da jaio (ikusi behar da googleren mugikor hori zein punturaino den ona eta librea) baina interes handiko proiektuak daude jada. Web semantikorako bidea hasi da jada mikroformatu, RDFa etab. baina hauek batuko zituen hizkuntza bat behar zen eta hori da GRDDL, web semantikoak behar zuen itsagarria. Informazio semantikoa duten hainbat atalen hizkuntzak ulertu eta RDF lengoaira eraldatzeko bideak erakusten ditu. Honekin batera 2 munduak elkar lotzen dituen nanoformatuekin jolasten ere jarraitzeko intentzioa daukat, horren adibide bat jada txioka twitter komunitatea dugu, berrikuntza gehiago ekarriko dituena irailean. Hurrengo ikasturteari begira mikroformatuak.com blog eta informazio eta esperimentazio gune bat irekiko dut, nahi duenak nirekin ikertu eta jolastu ahal izateko. Apuntatzen zarete?

Bloglines berria

beta.bloglines.com Bloglinesek berrikuntza politak dakartza, oraindik beta fasean badago ere itxura polita hartzen diot. Ezaugarri berrien artean dinamikotasun gehiago, ajax, bilatzailearekin integrazioa, jarioak ikusteko era azkarrago desberdinak, jario nagusiekin hasiera orri bat definitzeko aukera. Jende askok erabiltzeari utzi bazion ere nik erabiltzen jarraitzen dut eta hemendik aurrera arrazoi gehiagorekin erabiltzen jarraituko dut.

Gasteiztik bueltako arratsalde lasaia

Egun ederra joaten ari da eta ni balkoitik wifiarekin eta azken eguzki printzak profitatzen.

Twitterrek baditu milaka aurpegi

Azken aldian microblogging-a probatzen ari naiz eta honen erabilpena aztertzen. Nire esperimentuetan aurrera noa eta jadanik emaitza batzuk baditut. Erabiltzen dugu Sare komunikatibo pertsonalak eraikitzeko: Twitterrek berezko duen erabilpen bat da. Bakoitzak bere intereseko pertsonak jarraitzeko aukera du. Sare komunikatibo tematikoak eraikitzeko: Gai edo ezaugarri baten aurrean sare komunikatibo bat eraikitzen da eta elkarrizketa deszentralizatu bat gauzatzen da. Horrelakoa da txioka, Euskal Herriko twitter erabiltzaileen sarea. Barne komunikaziorako sare komunikatiboak eraikitzeko: Enpresa edo erakunde barneko barne mezularitza multi dispositiboa eraikitzeko balio dute. Honela sarea, berehalako mezularitza, sindikazioa eta mugikorraren bidez jaso daiteke beharrezko informazioa. Bada Euskal Herrian hori egiten lagundu diodan enpresa bat Ondare Kultur Kudeaketa. Laster hasiko dira asko erabiltzen. Berri eta informazio ezberdinen kanal bezala: Blogetako titularrak, berriak etab zabaltzeko beste kanal bat. Era honetan erabiltzen du zabaldu.com-ek. Bertara iristen diren berri guztiak automatiko azaltzen dira twitterren ere. Hau egiteko era ezberdinak egon daitezke bat APIa erabiltzea eta beste bat jarioa erabiliz nonbait publikatzen den hori twitterren publikatu. Ekitaldi edo gertaeren berri emateko kanal moduan: Ekitaldi batean gertatzen denaren etengabeko jarraipena egiteko erabil daiteke microblogging-a. Hau egon aurretik blogetan etengabe mezua eguneratzeko joera izaten genuen baina hau iritsi ostean hau egiteko era interesgarria izan daitekeela ikusi da. Horren adibidea da IEB07 edota Gaztesareak jaien berri emateko aukera. Sortuta dauden aplikazioen gehigarri bezala: Hainbat aplikazioek twitterren informazioa zabaltzeko aukera ematen dute. Blogari.net-ek irakurtzen ari zaren mezu hori hedatzeko twitterren esateko aukera ematen du eta Tagzaniak non aurkitzen zaren esaten du twitterren bidez, nanoformatuak erabiliz. Erabilpen berezi edota garrantzitsuak Egunkarien informazio kanal moduan: El Pais-ek adibidez bere titularrak twitter bidez ere zabaltzen dute Eskaintza bereziak egin: Woot-ek eskaintza bereziak egiten ditu bere twitter erabiltzaileen artean. Akats edo arazoen berri emateko:Minessotako herritar batzuk adibidez lurrikara baten aurrean twitter baliatu zuten bere ezagunekin komunikatzeko. LA Suhiltzaileek abisuak bidaltzeko erabiltzen dute. Dohaineko SMS bidalketak: Twitterrek ematen dituen aukerei esker lagunen arteko dohaineko sms bidalketa egin daiteke. Tresna baten berrikuntza ezagutarazteko: Tresna baten jasaten dituen aldaketak edo berrikuntzak ezagutarazterko aukera ematen du. Feevy-k adibiez era horretan erabiltzen du twitter. Twitterrek lortu duen gauza garrantzitsuenetako bat microblogging-a gailu mugikorretara eramatea izan da, horrek komunikatzeko aukerak asko zabaltzen dizkigu. Hauek profitatzeko ideiarik baduzue?