Kanonaren aurka borrokatzea ez da iraultzailea jada

Aspaldi nuen hau publikatzeko gogoa eta gaur egitea erabaki dut. Kanonaren aurkako borroka, negozio modelo baten aurkako borroka da batzuentzat eta horrela zabaldu da kapa zabal batzuen artean. Gauzak horrela, masa handi batek kanonaren aurkako protesta negozio modelo horren aurka dela pentsatu eta horrela adierazten du. Aldarrikapen hori sistemak zurrupatu eta bere mesedetan erabiltzen hasi da jada PP, PSOEko zenbait, IU etab. masa handi horrek egindako erreklamazio hori bozkak irabazteko darabilte. Nire ustez kanonaren aurkako gerla irabazia dago jada eta ikuspuntu horretatik kanonaren aurka borrokatzen dutenak, hau kentzean oso aktibo zegoen mugimendu bat neutralizatua geldituko da. Ez dut esan nahi kanonaren aurkako ekimenak gelditu behar direnik Martxoaren 2an Bilbon egin behar dena bezala, baina borrokaren ikuspuntua negozio modelo baten aurkako borroka izatetik kultura libre baten aldeko aldarrikapen zabalago bat izatera igaro behar dela uste dut. Kultura librearen aldeko garaiak dira, kanonaren aurkako borroka bukatzen denean, bertan dauden jende asko kultura librearen aldeko mugimenduaren alde egin dezaten. Euskal Herrian badugu gure kulturaren inguruko Herrikultura izeneko eztabaida zerrenda bat.

Kautaren zaharrak berri Egunkariaren itxieratik 5 urte pasa direnean

Kauta taldeak oso abesti hunkigarria egin zuen Egunkariaren itxieratik euskaldun askori eragin zion tristura eta amorrua plazaratuz. Talde honen hitzek eta abesti honek duen izenburuak gaur egungo egoera argi eta garbi erakusten dute. Zaharrak berri Goizean begiak ireki ditut berriak entzundakoan tristura jendearen aurpegietan nabaritzen da kalean nire bizilagun dudan agure alaitsua begiak amorruaren malkoez bustiak dira erantzun beharra denon gain adierazi beharra gureak diren gauzak zabalduz eta gure indarrak batuz hizkuntza bakarra dugu guk komunikabideen artean euskaraz daukagun Egunkaria Euskara delako euskaldunon oinarri indarra erabil eta galerazi zerbait lor eta orain daude esku hutsik orain dugu aukera Berria eraikiz Ukatzen gaituzten gauza guztien gainetik daude gure oinarriak geldiezinak diren hitzak... Oraindik daude esku hutsik orain dugu aukera segi aurrera!! Jarri zure blogean <object type="application/x-shockwave-flash" data="audio/player.swf" id="audioplayer1" height="40" width="300"><br /> <param name="movie" value="audio/player.swf"><br /> <param name="FlashVars" value="playerID=1&text=0x000000&loader=0xBFE4FF&slider=0x007CD9&track=0xFFFFFF&soundFile=http://www.gaztesarea.net/musikale/entseilu/KAUTA_zaharrak%2520berri.mp3"><br /> <param name="quality" value="high"><br /> <param name="menu" value="false"><br /> <param name="quality" value="high"><br /> <param name="menu" value="false"><br /><br /> <param name="wmode" value="transparent"><br /> </object>

Kubari beti fidel

Azken portu blogetik > Zarautzen ikusitako murala

Gauzak konplexuak direlako, kosovo beste ikuspegi eta datu batzuk

Beste bideo batzuk Kosovoren kasua oso konplexua da eta gure perspektibatik begiratu eta zentzu emateak, ez du zentzurik. Antzekotasunak printzipioetan daude eta hor bakarrik, egoera guztiz edesberdina da. Baina printzipioek dute garrantzia, printzipio horietan oinarritzen baitira ondoren etorriko diren erabakiak ere. Mass Mediek eta OTANen interesak ez ditut inoiz defendituko, herriek libreki beren burua autodeterminatzeko eskubidea bai.

No time for love in the basque country [Eguneraketa]

San Valentin egunean (Ostegunean) No time for love. Jardunaldiaren jarraipena egiten ari dira blog eta mugikorren bidez Esan nahi duzuna baina esan. Nirea + Garzón suspende las actividades de EAE-ANV y EHAK por tres años No time for love esan duten beste batzuk.

No time for love!

Abesti asko etortzen dira burura egunero. Ikusten ditugun gauzek markatzen gaituzte gaurko gizartean baina marka hori askotan azkar igarotzen da aldiz entzun eta batez ere usaitzen duguna gelditzen da gehien gure oroimenean. Patxiri gertatu zitzaion bezala gaur niri No time for love! etorri zait burura. Ezer aldatu ez delako eta stop esan behar dugulako. No time for love garaiak dira baina laster dator udaberria, loreak, irriak, pozak eta orduan grisek berriro beraien zuloetara joan beharko dute. Nire soinu banda "No time for love" zuri zer datorkizu burura! Patxiren blogetik hartutako kodea, hartu eta kopiatu zuretzako ere No time for love esan duten beste batzuk

Hezkuntza sistema eraldatze bidean

Nire lanarengatik askotan tokatu izan zait irakasle eta eskoletako ikt dinamizatzaileei hainbat ikastaro ematea. Bertan pertsona ezberdinek dituzten jarrerak ere ikusi ditut, batzuk bere lanagatik erreta, beste batzuk gauza berriak ikasteko gogorik gabe, beste batzuk egunerokotasuneko lan teknikoek (ordenagailuak jarri eta konpondu) beste ezer egin nahi ez dutenak etab. Baina badago beste talde garrantzitsu bat nik "animosoak" deitzen ditudanak. Espezie honen ezaugarri karakteristikoak: Gauza berriak edo zaharrak era egokiago batean egitea bilatzen dute. Informazioa elkartrukatzeko gogoarekin. Frustrazio puntu bat egin nahi duten guztia egiteko aukera ez dutelako edota behar dituzten tresnak/informazioak ez dituztelako. Era berean, dituzten baliabideekin aurrera jotzeko joera baliabideak noiz etorriko zain gelditu gabe. Beti pentsatu izan dut zein potentzial handia izango lukeen "animosoen" sare batek eta hori da gertatu dena. Horietako batzuek ekimenak aurrera egin du, hasieratik nire animoak izan dituzte eta hemendik aurrera ere izango dute. ZirIKTeroak jaio dira eta hezkuntza eraldatuko dute. Informazio gehiago ikteroen blogean duzue baina interesgarriena pasarte hau iruditzen zait. Ataria publikoa izan behar duela pentsatu dugu. Arrazoia bikotza da: alde batetik, gure ekarpenak besteentzat baliagarriak izan daitezkeela pentsatzen dugu, gu bezala euren eskoletan IKTekin lan egiten duten askorentzat. Eurentzat ere baliagarria bada, askoz hobe. Bestetik, dagoeneko garai badelako gurearen berri interneten ere zabaltzeko. Iritzi asko irakurri ditut sarean zehar ikastolok software librearekiko aurkezten dugun jarrerarekiko, adibidez. Hauetako askok ez dute benetan islatzen ikastoletan bizi duguna. Horrelako atari batek zertan ari garen, zeintzuk diren gure lehentasunak, gure kezkak, gure baloreak… azaltzeko balioko du, benetan ikastolon errealitatea islatzeko tresna garrantzitsua izango dela zalantzarik ez daukagu. Animo ekimenarekin, ziur nago ekimen honek hezkuntza eraldatzen lagunduko duela.

Mikroformatuak eta grafiko soziala

Googlek API berri bat kaleratu du. Socialgraph API berri hau erabiliz aurretik beste era batean egin nuen grafiko sozialak sortzeko aukera egon daiteke. Berriro ere mikroformatuak agertzen dira kasu honetan XFN (baina baita FOAF formatua ere). Adibide moduan txioka sarearen kontaktu sarea ikus dezakezue. Esker mila Arkaitz!

zazpi@2007 sarien banaketa

Saridunak eta hauei buruzko afera guztia teknopataren blogean ikusi ahal izango duzue. Sari politak banatu dira, banatu direnetatik gaur8.info (nahiz eta orain geldi xamar dabilen), irratia.com, ahtgelditu.org, euskaltube.com eta euskalbar.eu nabarmendu nahi nituzke. 7. postua, 44 bozkarekin: Euskalnatura.net 6. postua, 45 bozkarekin: Gaur8.info eta Irratia.com 5. postua, 55 bozkarekin: AHTGelditu.org 4. postua, 61 bozkarekin: Eibar.org 3. postua, 67 bozkarekin: Euskaltube.com 2. postua, 71 bozkarekin: Euskalbar.eu 1. postua, 106 bozkarekin: Elebila.eu