photo Gorka Julio
Elurnet Informatika Zerbitzuak
Andoain, Gipuzkoa, 20140
Testuinguruari buruzko gogoetak artikulua

Bildu.net laguntza manuala zabaldu.com Sarezulo atala Kontaizu.net

Blogari.net zure bloga sortu

[landaben elkartasuna]
Landaben volkswagen borrokan

Creative Commons License
lana lan hau Creative Commons-en baimen baten mende dago.

Powered by Blogger

lortu firefox

lortu thunderbird

Never Mind The Blogs

onponbidea

[>] Kanonaren aurka borrokatzea ez da iraultzailea jada

Aspaldi nuen hau publikatzeko gogoa eta gaur egitea erabaki dut. Kanonaren aurkako borroka, negozio modelo baten aurkako borroka da batzuentzat eta horrela zabaldu da kapa zabal batzuen artean. Gauzak horrela, masa handi batek kanonaren aurkako protesta negozio modelo horren aurka dela pentsatu eta horrela adierazten du. Aldarrikapen hori sistemak zurrupatu eta bere mesedetan erabiltzen hasi da jada PP, PSOEko zenbait, IU etab. masa handi horrek egindako erreklamazio hori bozkak irabazteko darabilte. Nire ustez kanonaren aurkako gerla irabazia dago jada eta ikuspuntu horretatik kanonaren aurka borrokatzen dutenak, hau kentzean oso aktibo zegoen mugimendu bat neutralizatua geldituko da. Ez dut esan nahi kanonaren aurkako ekimenak gelditu behar direnik Martxoaren 2an Bilbon egin behar dena bezala, baina borrokaren ikuspuntua negozio modelo baten aurkako borroka izatetik kultura libre baten aldeko aldarrikapen zabalago bat izatera igaro behar dela uste dut.

Kultura librearen aldeko garaiak dira, kanonaren aurkako borroka bukatzen denean, bertan dauden jende asko kultura librearen aldeko mugimenduaren alde egin dezaten. Euskal Herrian badugu gure kulturaren inguruko Herrikultura izeneko eztabaida zerrenda bat.

Etiquetas: , , , ,

Iruzkinak hemen "Kanonaren aurka borrokatzea ez da iraultzailea jada"

 

Anonymous Anónimoek idatzia (18:26) : 

Alderdi politikoek gizarte arazo asko erabiltzen dituzte beraien mesedetan. Alderdi politiko batek lan prekarietatearen aurkako ekimenak edo abiadura handiko trenaren aurkako ekimenak aprobetxatzen dituelako, ekimen horiek utzi behar dira? Sistema asimilazio berri bati ekiten dion bakoitzean, burruka bukatu aurretik korrika ateratzea bezala izango litzateke.

Agian, zuk "kanonaren aurkako gerla irabazia" ikusten duzulako esaten duzu hori. Ba nire ustez, gauzak ez daude bat ere argi. Jabetza Intelektualaren Lege (LPI) berria urte honetan bertan onetsi dute eta kanona handitu eta zabaldu egin dute. Ez da ahaztu behar LPI berriarekin Espainiar gobernuak liburutegietan egiten diren maileguei kanona jarri diela, eta ez berak nahi zuelako, Europar Direktiba batek behardu duelako baizik. Hori gutxi balitz, Europako leku gehienetan egileak konpentsatzeko tasak daude: Frantzia, Alemania, Italia, Suitza, Suedia, Austria, Belgika, Kroazia, Txekia, Danimarka, Finlandia, Hungaria, Islandia, Letonia, Lituania, Herbehereak, Norvegia, Polonia, Eslovakia y Eslovenia. Gauzak horrela, kanon digitala kentzear daudela esango zenuke? Nik esperantza daukat, noski, baina irabazitako gerla dela esatea gehiegizkoa iruditzen zait. Azalduko al zenidake zergatik pentsatzen duzun horrela?

Azkenik, kanonaren aurka dabiltzanak, beraien helburuak lortzen dituztenean zeregin gabe geratuko direla (edo antzeko zerbait ulertu dizut) esaten duzunean, "arazo" hori edukitzea gustatuko litzaidakeela erantzungo nizuke. Eskubide baten alde gogor lan egin ondoren, helburuak betetzea eta beste zerbaitetan ibiltzea erabaki ahal izatea. Hori bai luxua! Ja ja. Ez dakit ezkorregia izango naizen ala zer baina nire borrokarako zerrenda gero eta luzeagoa da eta oso gutxitan kendu ahal izaten dut ezer zerrendatik. Edozein kasutan, hori gertatuko balitz, aktibistek beraien indarrak zertan erabili erraz eta azkar aurkituko dutelakoan nago. Beno, horrela ikusten dut nik behitzat.

Herrikultura posta zerrendari dagokionez, benetan zerbaitetarako balio izatena nahi badugu, erabiltzen hasi beharko ginateke, dakizunez, sortu zenetik oso geratuta bait dago. Bizitza pizkat ematen saiatzeko, eztabaida hau bertan jarraitzera gonbidatzen zaitut. Zuk nahi izanez gero, noski. Goraintziak.

 

Blogger Teketenek idatzia (19:50) : 

Pozik jaso dut zure mezua txopi. Ez dut nik esan borroka horiek utzi behar direnik eta gainera mezuan horrela azpimarratu nahi izan nuen. Inongo momentutan ez dut hori esan argi utzi nahi dut beraz.

Ikuspuntuak ikuspuntu barku berdinean gaudela ikusteko balio dizkigute eztabaida hauek, nire kezka zenbat egongo garen hurrengo barkuan, hori zen eta hori plazaratu nahi izan nuen.

 

Anonymous Anónimoek idatzia (21:28) : 

Ados. Borroka irabazia zegoela esatean, lanean dabiltzanak alperrik edo dabiltzala ulertu dizut nik. Oraindik ez dut zure ikuspuntua ondo ulertzen baina beno, zuk zer esan ez zenuen behintzat argi geratu zait. Barku berdinean gaudela badakit eta hau elkarrizketa bat besterik ez da. Hitz eginez argituko ditugu gure ikuspuntuak ez? Zuk nirearen ikuspuntu desberdina badaukazu, elkarrizketarekin ikasteko aukera bikaina daukat/daukagu. Ikuspunturik ez izatea baino milaka bider hobeagoa da!

Hemen berriro idazten dudala aprobetxatuz, lehenago ahaztu dudan gauza bat esan nahi dut. Zuk zenioen "borrokaren ikuspuntua negozio modelo baten aurkako borroka izatetik kultura libre baten aldeko aldarrikapen zabalago bat izatera igaro behar dela uste dut". Guztiz ados nago zurekin eta martxoaren 2ko ekintza kultura azke baten aldeko ekimen zabal baten barruan sartzen dela argitu nahi dut (zuri ez bada badakizulako, zalantza hori izan dezakeen beste edonori). Zazpi hiritan batera burutu ziren kontzentrazio horiek egitearen ideia CompartirEsBueno plataformako foroetan sortu eta hazi zen. Webgune hori aztertzen baduzu, teknologiarekin eta jabetza intelektualarekin lotutako ekintza oso desberdinak egin direla ikusiko duzu. Manifestuak berak ikuspegi oso zabala duela baieztatu dezakezu. Nire ustez kultura librearen apostu argiena egiten du. Ez duzu uste?

Bestalde, ekimen bakoitzaren xehetasunetan galtzen direnak badaudela egia da noski, baina kaleko jendeak zerbait ulertu dezan ekimen zehatzak ere egin beharra dagoela uste dut. Webguneak, hitzaldiak eta jardunaldiak oso ondo daude. Horretan diardugu gutako asko aspalditik (eta jarraituko dugu!). Baina ekimen hauen atzean gaudenok, kaleko jendearengana heltzeko gauza zehatzagoak eta ikusgarriagoak ere egin beharra zegoela erabaki genuen. Nire ustez, gu guztiok burutzen ditugun ekintzak batu behar ditugu. Bakoitzak bere estiloa dauka baina besteei bere eran lan egiten utzi behar du. Hori da CEB plataforma sortzera eraman gintuena. Kultura librearen aldeko burruka benetan irekia izaten usten badugu, bide hori jarraitu behar dugula uste dut.

 

Blogger Teketenek idatzia (23:37) : 

Ondo da txopi eskatutakoa eginez. Nire iritzia (eta nire iritzia besterik ez) honene inguruan. Nire ustez jendartearen parte zabal batek gauza hauek onartzen ditu eta alderdi politiko nagusiek ere horrela onartzen hasi dira:
* normala da musika jaitsi eta elkartrukatzea sozialki onartua dagoen jarrera bat.
* kanonak presuntzioa "delitu" bilakatzen du eta beraz ez da normala.
* kanon hori zabaltzeak arazoan sakontze bat besterik ez du ekarriko beraz kanonaren gaia aldatu beharko da.
* negozio modelo horretan jarraitzeak ez du zentzurik internetek ematen dituen zabalpen eta hedapen aukerak ikusita.

Gai horien inguruan konsesu nahiko handia dago, errepikatzen dut baita estatu mailako alderdi politikoen artean ere. Noski ezer irabazia ez dagoela eta borrokak jarraitu behar duela baina kapa zabalek onartutako gauzak dira.

Nire kezka, hortik zenbat daude benetan kultura libre baten alde eta ez negozio modelo (jela saldu frigorifikoen garaian) baten aurka, zenbat daude arrazoi ekonomiko hutsagatik (diskek kanona edukitzea gure konpetitibitatearen aurka doa). Noski hauek bidai lagunak izan dira orain arte baina noiz arte. Horiek nire arrazoiak eta nire kezkak.

Zuk aipatutako ekimena horrela ulertu nuen eta horregatik erreferentziatu nuen. Inolaz ere aurka eta gainera beste gauza batean nago zurekin kalean ere erakutsi behar dira gauzak. Erabat ados azken puntuetan. Ez dut uste gehiago esan behar dudanik.

 

iruzkin bat egin