Orain Gaztesarea!

Indymedia Euskal Herriako mezu honek informazio asko ematen duenez bertatik ekartzen dut: Gaztesarea atariko ordezkariak eta bilboko Kaskagorri konpartsako kideak Audentzia Nazionalera deituak izan ziren aurreko astelenean, "enaltecimiento y justificación del terrorismo" eta "humillación a las victimas" akusaziopean, Dignidad y Justicia-ko Daniel Porterok ezarritako kereila baten ondorioz. Fiskaliak ez du inongo neurri berezirik eskatu Audentzia Nazionalean aitormenik egitera uko egin duten bi taldeetako ordezkarientzat, baina epaileak Guardia Zibilari Gaztesarea zein Kaskagorri ikertzea eskatu die. Hau da gizarte mugimenduen errepresiorako pausu berria eta honen aurka hainbat erantzun solidario jaso dira: |Adierazpen askatasunaren eraso berri honen aurrean kontzentrazioa Bilbon|, |Bilboko konparsaren oharra|, |Free Gaztesarea Free Kaskagorri|. Informazio gehiago: |Kaskagorriren prentsaurrekoa erasoaren aurrean|, |Gaztesarea.net aurrera!!|, |Gaztesarea|.

Jaiakbizi.net beste ikuspuntu bat

Jaiakbizi web gune berria martxan jarri da. Bertan edonork bere jaien egitarauaren berri emateko aukera dago eta era berean bertara joan eta han egoteko behar duzun informazioa eskuratu ahal izango duzu. Web gune honek duen gauzarik hoberena Euskal Herriko kanpin guztien mapa eta informazioa da. Mapa Tagzaniaren bidez egin dute eta informazioa mikroformateatu dute. Mikroformatuei esker bidaia ez da Jaiakbizi web gunean amaitzen. Ematen dituen aukerei esker informazio horiek mapetan ikus daitezke Operator tresna barrari esker adibidez.