Itxura berritua

Blogak itxura berritu bat du orain. Ez da gehiegi aldatu baina zertxobait bai. Podcast eta blogaren jarioa errazago aurkitzen dira orain. Bideobloga desagertu da. Mezuek orain Aipamenak izeneko atala dute. del.icio.us botoia agertzen da mezu bakoitzaren azpian. 2 zutabeak orain eskuin aldean azaltzen dira, garrantzitsuak diren mezuak lehenengo planoan jarriz. Logo berri bat. Baina ikusten ez diren gauza asko daude. Alde batetik podcasta jarraitu eta biziberrituko dela aurreratzen dut. Beste alde batetik, logoak erakusten duen soziala etiketa hori benetan horrela izatea nahi dut eta jendeak parte hartu dezan eskatu nahi dizuet. Euskal blogosfera berriro martxan jarri behar dugu, udara nahiko lasaia izaten ari da baina Iraila nahiko gogor dator. Hor dago kexatu.net zuen kexen zain, etorriko diren hainbat ekitaldi eta oraingo ikastaroan beste proposamen bat egingo dizuet, baina hau oraindik buruan bakarrik dut, beraz itxaron beharko du apur bat. Animo eta aurrera guztioi, ikastaro berri bat dugu irabazteko!