Bildu.net eta euskarazko edukiak, zuen iritzia ezagutu nahi dugu

EGUNERAKETA: Eskerrik asko iruzkinetan parte hartu duten Koldo eta Aitorri. Horixe egin dugu. Checkbox baten bidez euskarazko edukiak zein diren zehazteko aukera eman. Uste dugu soluzio egokia dela, erraza, erabilgarria, arazoak ekidituko dituena eta gainera (0 edo 1) kliketara. Aurrekoarekin konparatzen badugu (1 edo 2) klik behar zirelarik. Bildu.net-en funtzionalitate berri bat sartu dugu. Funtzionalitate honek ez du bildu.net-en izaera aldatzen. Hau da, bildu.net-en edozein hizkuntzatako edukia gorde ahal izango da, euskaraz etiketak eta deskribapena gehitu ahal izango direlarik. Hala ere, beharrezko ikusten genuen era batean edo bestean euskarazko edukiak markatzeko aukera uniformea izatea. Horretarako hori zehazki egiten duen aukera bat gaitu dugu. Aukera honek "eu" etiketa gehitzen dio gordetzen den informazioari. Orain arte jaso ditugun iritziak nahiko positiboak izan dira, patxi gaztelumendik egindako artikulua adibidez eta zabaldu.com-en jaso ditugun bozka kopuru interesgarri eta bertako 3Arranok egindako iruzkinak adibidez. Baina zuen iritzia ezagutu nahi dugu ez honen inguruan baizik eta interfazeari dagokionez. Hemen ikus dezakezue irudi bat. Gure duda da zein izan behar duen funtzionalitate berriaren aukera lehenetsia. Aukerak: Euskarazko edukia Euskarazkoa ez den edukia 1. aukera: Euskarazko edukia lehenetsi bezala ALDE: Orain arte etiketatzen diren eduki gehienak euskarazkoak dira erabiltzaile gehienek aukera hau erabiliko dute. KONTRA: Noizbait aukera lehenetsi bezala dagoenez euskarazko zenbait eduki gaizki markatzea gerta daiteke. (hala ere hau edozein kasutan ere gerta daiteke) 2. aukera: Euskarazkoa ez den edukia lehenetsi bezala ALDE: Nahi gabe euskarazkoa ez den edukia euskarazko bezala markatzea ekiditzen da. KONTRA: Euskarazko eduki asko egoki etiketatu gabe geldi daiteke, informazioa galduz. Momentuz 1. aukera da hartu dugun erabakia, erabiltzaile gehienentzat erosoago eta praktikoa izango delako eta pentsatzen dugulako orain arteko erabiltzaileek tresna ondo erabili eta ulertuko dutela. Erabiltzaile berriek ere ez dute arazorik izango hasieratik interfaze berria erabili beharko dutelako. Garrantzi gehiago eman diogu jendearen erabilpen lehenetsiari, sor daitezken arazoei baino. Hori bai atal hori "Garrantzitsua" bezala nabarmentzea erabaki dugu formularioan, jendeak hori ondo bete behar duela adierazteko. Zein uste duzu dela erabakirik hoberena? Benetan asko interesatzen zaigu zuen iritzia ezagutzea. Beraz hemendik dei egiten dizuet bildu.net-eko erabiltzaile eta iritzia eman nahi duen edonori gai honetan laguntzeko