Aldaketa klimatikoa

Pil-pilean jarri dute(dugu) aldaketa klimatikoaren gaia ekologistek. Bai, ondo irakurri duzu jarri dute. Urteetako borroka izan da hau argitara ematera, aspaldi aldarrikatu izan da sistema kapitalistaren basakeriak naturaren suntsipen batera eramango gintuela eta hori orain gertatzen ari da. Rosa Luxenburgoren "Sozialismoa edo Basakeria" edota ondoren etorri zen "Komunismoa edo Kaosa" esaldiek gero eta zentzu handiagoa hartzen dute niretzat. Lortu dugun hau borroka baten emaitza izan da, ez gaitzatela nahastu eta orain mass medietan azaltzen diren politikari guzti horiek ez dute orain arte ezer egin eta horrela jarraituko lukete ezer egin ez bagenu. Zabaltzen hasi diren mezu kontrajarrien aurka bi ideia propio ditut: Aldaketa klimatikoaren gaia energia nuklearra bultzatzeko aitzakia besterik ez da GEZURRA Aldaketa klimatikoa benetakoa da eta gizon-emakumeok sortzen ari gara gure "garapenaren" ondorioz. Noski, batzuek hau energia nuklearra bultzatzeko erabili nahiko dute baina badakigu energia nuklearra ez dela garbia, segurua, jasangarria. Hurrengo borrokarako prest? Aldaketa klimatikoa ziklikoki eta era naturalean sortzen den fenomeno bat da. EGIA baina ez du aldaketa klimatiko hau frogatzeko balio Frogatuta dago gizon-emakumeon eraginagatik azkartutako fenomeno bat dela. Al Gore-k gai honen inguruan ateratako filma interesgarria da adibidez fenomeno honen ondorioak ikusteko garaian. Ez itxaron sistema kapitalistari kritika handirik baina filma interesgarri bat dela iruditzen zait. Web orrialdea | Filma jaitsi (torrent) Post-info: bideoa ikusten baduzue esaldi hau dibertigarria iruditu zait "AEBetako hurrengo lehendakaria izan nintzen" ;). Noski, hauek denak nire iritziak dira.