Bloginfluence - Blogosferan duzun eragina aztertu

The English and Spanish users feedback posts here Bloginfluence nire denbora librean egindako tresna txiki bat da. Blogosfera oso handia da eta blog guztiak ez dira berdinak, blog bakoitzaren eragina edo influentzia zein den kuantitatiboki nola adierazi zitekeen pentsatzen hasi nintzen. Buruari buelta batzuk eman ondoren hau da lortu nuen formula: [(blog+posts+web links) + (bloglines subs * 2)] * 1+(Pagerank/10) Horrekin batera script bat garatu eta nire etxeko zerbitzarian instalatu nuen, probak egiten hasi eta nahiko ondo zebilela ikusi nuenean... Zergatik ez jende guztiari zabaldu? Eta hori egiten hasi nintzen... Formula hau, nire buruak sortu duena da. Neurketa mota bat, saio bat, neurtzeko modu bat. Inoiz ez da izango egi absolutu bat, blog baten eragina neurtzeko zehatzena, hoberana etab. Gainera blogaren egilea(k) pertsona moduan duten eragina edo influentzia neurtzea gauza zaila da eta hori ez du egingo tresna honek. Aipatutako guztia argi edukita, blog bat egitean gure eraginak besteek guregan ezartzen dituzten loturak eta gure Interneteko agerpenak zehazten dutela uste dut. Horren islada (bat) da aipatutako formula. Tresna honen bitartez blog baten jabeari bere eragina neurtzen duen zenbaki bat erakutsiko zaio, eragin hori nola hazten edo jaisten den ikusi ahal izango duelarik. Honekin batera, bere blogaren egoera aztertzeko zenbait lotura eta grafiko erakusten zaizkio. Orrialdeak momentuz 3 hizkuntza ditu Euskara, Gaztelera eta Ingelesa (edo horrelako zerbait). Ingeles eta Gaztelania bertsioek publizitatea dute, beno publizitatea ez Firefox gomendatzen dut eta Amazoneko liburu bat eskaintzen da, gaiarekin zerikusia duena. Amazonetik irabazten dudana liburuak erosteko erabiliko dut bertan eta bestea zerbait irabaztekotan ziur egon euskal komunitateari bueltan etorriko zaiola. Eta euskarazko bertsioa zer? Ba euskarazko bertsioak ez du publizitaterik eta ez du izango. Goiko ezkerreko atala euskara bultzatzen duten eta onura ekonomikorik ez duten erakundeentzako guztiz irekia dago, nirekin kontaktuan jarri. Eta edukian gauza gehigarri bat dago, Euskara blogosferan duen eragina adierazten duen grafika bat bistaratzen du. Era honetan Euskaraz idazten diren edukiak ezagutu ahalko ditugu. Bertsio guztietan bakoitzaren blogean bere eragin zenbakia azaltzeko kode txiki bat kopiatzeko aukera dauka. Era honetakoa litzateke nirea: Nire eragina [1285.5] Beste blog batzuen eragina Sustatu > 57721.6 IKTeroak > 1223.6 Google Dirson > 85264 Mutilmedia > 557.2 irratia.com > 2044.5 Arazo batzuk Bisita gutxi dituzten blogetan arazoak sor daitezke. Bloglinesen blogid-a asmatzea nahiko artesanala da eta batzuetan huts egin dezake egiaztatu ondo lortu dela. Batzuetan daturen bat falta denean emaitza ez da benetako zenbakia. Gauza hauek eta gehiago hobetzeko daude, zuen iritzien zain nago. Esperimento honekin denek zerbait ikasi dezakegula pentsatzen dut, zer iruditzen...